Майгүл Есмуратова ШҚО көпсалалы онкология және хирургия орталығында 42 жыл жұмыс істеп келе жатқанын мақтанышпен айтады.

Майгүл Төлеуханқызы өзінің еңбек жолын 1982 жылы медициналық колледжді бітіргеннен кейін бірден мейірбике қызметінде бастады және осы жылдар ішінде үлкен кәсіби жолдан өтті. Ол реанимацияда, қан құю кабинетінде жұмыс істеді, содан кейін 15 жыл бойы фармация бөліміне ауысқанға дейін химиотерапия кабинетінде мейірбике болып жұмыс істеді.

Қазір Майгүл Есмуратова онкологиялық орталықта аға фармацевт болып табылады. Оның қарамағында онкологиялық науқастарға тағайындалатын медициналық препараттары бар қойма бар. Жұмыс ерекше назар аударуды, қажырлы еңбекті және жауапкершілікті қажет етеді, өйткені барлық дәрі-дәрмектер мен олардың құжаттары мұқият тексеріліп, дұрыс сақталуы, бөлімдерге бөлінуі және қатаң есепке алынуы керек.

– Мейірбике ретінде мен науқастармен үнемі байланыста болдым, олармен тез тіл табыстым, – дейді Майгүл Есмуратова. – Барлық әріптестер мен пациенттер менің «жеңіл қолым» бар екенін, тамырға  оңай және жақсы түсетінімді айтты. Фармация бөліміне ауысқан кезде, көп пациенттер мені іздеді, олардың мені маман ретінде бағаланғаны өте жағымды.

 Аға фармацевт лауазымында  науқастармен  жиі қарым – қатынасты болмайды, бірақ мен өз жұмысымды жақсы көремін, сондықтан маған барлық жерде ұнайды-деп айта аламын. Тіпті Фармация бөлімінде де Майгүл Төлеуханқызы науқастарға қамқорлық жасауды жалғастыруда. Барлығына жеткілікті дәрі-дәрмектер бар екеніне көз жеткізуге тырысады және науқастар оларды уақытында алады.

– Біздің дәріханада әрдайым қажетті дәрі-дәрмектердің қоры бар, тұрақты жеткізілім жүйесі орнатылған, сондықтан бізде «жоқ» деген сөз жоқ. Мұның бәрі басшылықтың арқасында, – деді Майгүл Есмуратова. – Біз үнемі онкологиялық орталықтың ішінде де, сыртында да оқимыз. Бірнеше рет Алматыда мамандандырудан өттім. Сондай-ақ, екі ай бойы Израильде фармация саласында жаңа білім алды.

Майгүл Төлеуханқызы жұмысқа әрқашан қуанышпен баратынын айтады. Онкологиялық орталықта оны мейірімді ұжым қарсы алады, оның тәжірибесі бағаланады, еңбегі атап өтіледі. Бірнеше рет Майгүл Есмуратоваға облыс әкімдігі мен денсаулық сақтау басқармасының алғыс хаттары табысталды.

«Әрқашан өз жұмысыңды жақсы орындасаң, бұл міндетті түрде байқалатыны сөзсіз деген пікірдемін», – деп толықтырды Майгүл Есмуратова.