Өкпенің қатерлі ісігі-өкпе тінінің эпителий жасушаларының қатерлі ісігі. Қазақстанда өкпенің қатерлі ісігі онкологиялық аурулар құрылымында екінші және өлім-жітім бойынша бірінші орында. Жыл сайын қатерлі ісіктің 3500-ге жуық жағдайы анықталады.

Шығыс Қазақстан облысы бойынша 2023 жылы өкпенің қатерлі ісіктерінің 255 жағдайы тіркелген. Көпсалалы «Онкология және хирургия орталығы» онкохирургия бөлімшесінің хирург-онкологы Тілеубек Нұрғалиев атап өткендей, бастапқы кезеңде ауруды емдеуге болады. Алайда, бұл кезең асимптоматикалық болуы мүмкін, сондықтан алдын-алу шараларын сақтау және үнемі тексеруден өту маңызды.

Өкпенің қатерлі ісіктерін диагностикалау үшін дәстүрлі түрде рентгенография, компьютерлік томография, фибробронхоскопия сияқты әдістер қолданылады.

– 2024 жылдан бастап Қазақстанда осы ауруды ерте диагностикалау үшін өкпенің төмен дозалы компьютерлік томографиясын қолдана отырып, өкпе обырына скрининг жүргізу жоспарланып отырғанын ерекше атап өткім келеді, бұл өте қуанышты, – деп атап өтті Тілеубек Құмарұлы. – Диагностикалық мақсатта біздің орталықта КТ бақылауымен кеуде мүшелерінің түзілімдерінің трепан-биопсиясы да жүргізіледі.

Тілеубек Нұрғалиевтің айтуынша, өкпенің қатерлі ісігін ерте анықтау сәтті емделу мүмкіндігін едәуір арттыруы мүмкін. Тұрақты медициналық тексерулер мен скринингтер, мысалы, белсенді немесе бұрынғы темекі шегушілер сияқты қауіпті топтағы адамдар үшін өте маңызды.

 – Өкпенің қатерлі ісігі бар науқастарды емдеудің оң нәтижесіне қол жеткізу үшін бүгінгі күні біздің Орталықта мамандандырылған емдеудің барлық түрлері қолданылады – хирургиялық емдеу, жоғары технологиялық сәулелік терапия, химиотерапия, иммундық-мақсатты терапия. Біз шетелдік клиникаларда алған тәжірибе негізінде озық технологияларды пайдалана отырып, өкпе және медиастиналық органдарға операция жасаймыз, – деді Тілеубек Нұрғалиев. – Мен, мысалы 2022 жылы Бірінші академик И.П. Павлов атындағы Санкт-Петербург мемлекеттік медицина университетінде екі айлық «Өкпе қатерлі ісігі, медиастинальды ісіктер және бас және мойын ісіктері кезіндегі хирургия»- тақырыбында тағылымдамадан өттім.

Енгізілген технологиялардың бірі – VATS (видеоассистирленген торакоскопия). Операция  кеудедегі жалғыз пункция арқылы аз инвазивті қол жеткізу арқылы жасалады, бұл науқастың оңалту мерзімін айтарлықтай қысқартады.

– Біз науқастарға  барынша көмектесу үшін осындай хирургиялық араласуларды жүргізуге арналған заманауи медициналық жабдықтың бар екеніне қуаныштымыз, – деп қосты Тілеубек Нұрғалиев.