Онкоцентр посетила Министр здравоохранения РК ҚР Денсаулық сақтау министрі Акмарал Альназарова Шығыс Қазақстан облысына жұмыс сапары барысында ШҚО көпсалалы онкология және хирургия орталығының жұмысымен танысты.

Министрге қатерлі ісіктерді жоғары дәлдікпен диагностикалауға арналған заманауи жабдықтар көрсетілді – магнитті-резонанстық томограф 3 Тесла және өкпенің төмен дозалы КТ (ТДКТ) жүргізілетін 128 бөлімге арналған компьютерлік томограф. Бұған дейін онкологиялық орталықта ҚазақОРҒЗИ бастамасымен ТДКТ скринингін жүргізу бойынша пилоттық жоба іске асырылған болатын. Жоба өкпенің қатерлі ісігін ерте анықтау бөлігінде осы зерттеудің тиімділігін көрсетті. Айта кету керек, орталықта облыс әкімдігі іске асырған денсаулық сақтауды тиімді дамыту жөніндегі көпжылдық бағдарламаның арқасында озық жарақтандыру пайда болды.

Сондай-ақ, Акмарал Альназарова 2023 жылдан бастап жаңа буынның желілік үдеткішінің көмегімен стереотактикалық радиотерапия мен радиохирургияны енгізген және белсенді қолданатын радиациялық онкологтардың жұмысымен танысты. Бұл әдістер мидың, бауырдың, өкпенің қатерлі ісіктерін емдеуде, сондай-ақ сүйек метастаздарында қолданылады.
ШҚО көпсалалы онкология және хирургия орталығының директоры Гульмира Сагидуллина орталықта жыл сайын 3000-нан астам ота жасалатынын, оның 60% – ы шағын инвазивті әдістермен жасалатынын айтты. Қатерлі ісіктерді диагностикалау және емдеу бойынша ғана емес, сонымен қатар оңалту бойынша да үлкен жұмыс жүргізілуде, хирургиялық араласудан кейін пациенттердің өмір сүру сапасын жақсартуға мүмкіндік беретін реконструктивті-пластикалық операциялар жүргізілуде.

-Онкологиялық орталыққа Қазақстанның басқа облыстарының, сондай-ақ Ресейдің шекаралас аймақтарының тұрғындары медициналық көмекке жүгінуге түрткі болды. Осыған байланысты біз медициналық туризмді дамытуға бағыт алдық, ШҚО әкімдігінің қолдауына ие болдық. Орталықта осы тапсырманы орындаумен айналысатын маркетинг бөлімі құрылды, – деді Гульмира Сагидуллина.

Директор бүгінгі таңда онкологиялық орталықта кадр тапшылығы жоқ екенін айтты. Бұған резиденттерді оқыту бағдарламасы ықпал етті, соның арқасында қысқа мерзімде жетіспейтін мамандарды даярлауға мүмкіндік туды.
Онкологиялық орталықтың Шығыс Қазақстан облысындағы МСАК ұйымдарымен тығыз өзара іс-қимылында жыл сайын қатерлі ісікті ерте диагностикалау көрсеткіші ұлғаяды, бес жылдық өмір сүру деңгейі өсуде, қатерлі ісіктерден болатын өлім-жітімнің тұрақты төмендеуі байқалады. «Жасыл дәліз» жүйесін іске асыруға ерекше көңіл бөлінеді.

Денсаулық сақтау министрі Акмарал Альназарова облыстық онкологиялық орталықтың жұмысына жоғары баға беріп ұжымға табыс тіледі.

– Онкологиялық орталық республиканың басқа онкологиялық медициналық ұйымдары үшін үлгі болуға лайық. Сіздерде одан әрі жетілдіру үшін бәрі бар, – деді Акмарал Альназарова сапар соңында. – Жаңа мамандарды тарту және медициналық туризмді дамыту саласындағы жақсы жағдайларды көрдім. Жақсы жұмыс. Күнделікті еңбегіңіз үшін рахмет.