Бүгін Алматыда папилломавирусының проблемасына арналған халықаралық семинар өтті. Іс шараға ШҚО директоры Гульмира Сагидуллина бастаған көпсалалы онкология және хирургия орталығының мамандары қатысты.

Семинар барысында АПВ-мен байланысты онкологиялық ауруларды емдеу бойынша өзекті мәселелер, хирургия мен сәулелік емдеудің заманауи мүмкіндіктері талқыланды, сондай-ақ халықаралық зерттеулер мен әртүрлі елдердің АПВ-ға қарсы вакцинациялауды қолдану тәжірибесі қарастырылды.

Спикерлер ретінде АҚШ, Испания, Дания, БАӘ, Өзбекстан, Қырғызстан және Қазақстанның дәрігерлері мен профессорлары, модератор рөліне Қазақ онкология және радиология ғылыми-зерттеу институтының басқарма төрағасы, ҚР ДСМ штаттан тыс бас онкологы Диляра Қайдарова қатысты.