Өзара ынтымақтастық бағдарламасы мақсатында ШҚО көпсалалы Онкология және хирургия орталығына Санкт-Петербург фтизиопульмонология ҒЗИ жетекші мамандары-жоғары санатты дәрігер-онколог, торакальды хирургі Андрей Нефедов және АРжҚТБ бөлімшесінің меңгерушісі Владимир Ли келді. Сапар кәсіби байланыстарды нығайтуға және тәжірибе алмасуға бағытталған.
Осы деңгейдегі серіктестік кездесулер кәсіби қарым-қатынасты одан әрі дамыту үшін, сондай-ақ пациенттерді диагностикалау мен емдеудің бірлескен тәсілдерін талқылау үшін маңызды. ШҚО КОжХО мамандары осы апта ішінде шақырылған әріптестерін Орталықтың жұмысымен таныстырады, бірлескен операциялар жүргізеді және торакальды хирургиясы мен реанимацияның маңызды аспектілерін талқылайды..
Онкологиялық орталықтың директоры Гульмира Сагидуллина мұндай сапарлар ынтымақтастықты нығайтуға ғана емес, сонымен қатар заманауи медицинаның дамуына ықпал ететін одан әрі бірлескен жобалар үшін платформа құруға көмектесетінін атап өтті.
– Біз басқа елдердің жетекші мамандарымен өзара қарым-қатынас жасау мүмкіндігін жоғары бағалаймыз. Бұл кәсіби байланыстарды нығайтып қана қоймай, жаңа жетістіктерге шабыттандырады. Біздің дәрігерлер тәжірибелі мамандар және осындай кездесулер идеялармен алмасуға және пациенттеріміз үшін ең жақсы шешімдерді әзірлеуге мүмкіндік береді, – деп атап өтті Гульмира Сагидуллина.
Онкологиялық орталықтың торакальды хирургтары өкпе мен көкіректің қатерлі ісіктерін хирургиялық емдеудің заманауи әдістерін ұзақ және сәтті қолданғанын атап өткен жөн. Осындай әдістердің бірі – бейне-көмекші торакоскопия. Бұл әдіс шағын инвазивті қол жетімділік арқылы хирургиялық емдеуді жүзеге асырудан тұрады. Радикалды операция кезінде қатерлі ісік толығымен алынып тасталады, бұл өсіндіні кішкене кесу арқылы алуға мүмкіндік береді. Операциядан кейін пациенттер еуропалық деңгейдегі заманауи жабдықтармен жабдықталған анестезиология, реанимация және қарқынды терапия бөлімшесіне түседі. Пациенттер бөлімшеде қажетті қолдауды алады, сондай-ақ АРжҚТБ дәрігерлері операциядан кейінгі жағдайға тәулік бойы мониторинг жүргізеді және тез қалпына келтіруге бағытталған қарқынды терапия жүргізеді.
Шақырылған мамандар Орталықтың жабдықталу және мамандар даярлау деңгейін жоғары бағалады. Андрей Нефедов торакальды хирургиясының дамуы қазіргі сәтте әсіресе өкпе обыры бүкіл әлемде сырқаттанушылық бойынша жетекші орынға ие екендігіне байланысты өзекті екенін атап өтті. Оның әріптесі Владимир Ли өмір сүру ұзақтығының артуына байланысты операция үстеліне түсетін өкпе обыры бар науқастардың жасы да артып келе жатқанын айтты.
-Алайда, хирургияның, анестезиологияның, реанимацияның және қарқынды терапияның заманауи мүмкіндіктері операцияның сәтті нәтижесіне қол жеткізуге мүмкіндік береді, соның арқасында егде жас хирургиялық емдеуге қарсы көрсетілім емес, – деді Владимир Ли.
