Асқазан обыры-асқазанның шырышты қабығының жасушаларынан дамитын қатерлі ісік, жағдайлардың саны бойынша Қазақстанда ең көп таралған онкологиялық аурулардың үштігіне кіреді. Ерте кезеңдерде ауру симптомсыз болып табылады және ұзақ уақыт бойы білінбей жүреді, бұл уақтылы диагноз қоюды қиындатады. Онкопатологияға уақтылы күдіктену үшін не нәрсеге назар аудару керек,-деді ШҚО көпсалалы онкология және хирургия орталығының хирург-онкологы Жомарт Садықов.

– Аурудың бастапқы кезеңдерінде адам ешқандай жағымсыз сезімдерді сезінбеуі мүмкін, сондықтан үнемі тексеруден өту өте маңызды, — деп атап өтті Жомарт Садықов. – Мысалы, Жапонияда асқазан қатерлі ісігін ерте сатысында анықтауға жаппай гастроскопиялық зерттеулердің арқасында қол жеткізілді. Онда ФГДС біздегі флюорография сияқты жүйелілікпен жүзеге асырылады.

Асқазан обырының қауіп факторлары әр түрлі. Оларға тұзды, сүрленген және маринадталған тағамдарды пайдалану арқылы дұрыс тамақтанбау жатады, темекі шегу, алкогольді пайдалану, сондай-ақ гастрит және асқазан жарасы сияқты созылмалы асқазан аурулары, әсіресе Helicobacter pylori инфекциясы болған кезде. Тұқым қуалайтын бейімділік те маңызды рөл атқарады.

Асқазан обырының алдын алу қарапайым, бірақ тиімді шараларға негізделген: зиянды тағамдарды тұтынуды азайту және жаңа піскен көкөністер мен жемістердің үлесін арттыру, темекі шегуден және алкогольден толық бас тарту, асқазанның созылмалы ауруларын емдеу және Helicobacter pylori инфекциясын бақылау, патологияны уақтылы анықтау үшін тұрақты медициналық тексерулер.

Асқазан обырын ерте диагностикалау емдеудің сәтті болуында шешуші рөл атқарады. ШҚО көпсалалы Онкология және хирургияның орталығында ең заманауи және жоғары дәлдіктегі тексеру әдістері қолданылады, оның ішінде эндоскопиялық әдістер де бар.

– Орталықтың эндоскопист дәрігерлері заманауи жабдықтың көмегімен асқазанның шырышты қабығының жай – күйін көзбен бағалап қана қоймай, сонымен қатар гистологиялық зерттеу үшін тіндердің үлгілерін алып, бір мезгілде қатерлі ісікке дейінгі ісіктерді жоюды жүргізе алады, – деді Жомарт Садықов. – Сондай-ақ, асқазанның қатерлі ісігін диагностикалау үшін рентген, ультрадыбыстық зерттеу, КТ және МРТ қолданылады.

Асқазан обырын емдеу үшін Онкологиялық орталықтың мамандары ең жақсы нәтижеге жету үшін әртүрлі әдістерді біріктіретін заманауи тәсілдерді қолданады. Негізгі емдеу әдісі хирургиялық араласу болып қала береді. Аурудың сатысына байланысты зақымдалған тіндер мен лимфа түйіндерін алып тастай отырып, асқазанның ішінара немесе толық резекциясы жасалуы мүмкін. Химиотерапия қатерлі ісік жасушаларын жою және қайталанудың алдын алу үшін операцияға дейін де, одан кейін де қолданылады.

– Біздің Онкологиялық орталық заманауи жабдықтармен жабдықталған және асқазан обырын диагностикалау және емдеу бойынша қызметтердің толық спектрін ұсынады. Мамандар әр пациентке озық әдістер мен жеке тәсілді қолданады. Біздің міндетіміз — ауруды мүмкіндігінше ертерек анықтау және барынша тиімді емдеуді ұсыну, — деп атап өтті Жомарт Садықов.